iPhone Apps

مرحبا  ,,

انا وحده مدمنة شي اسمه ايفون بصراحه ماقدر استغني عنه ,, بوجود تنوع من البرامج اللي تسهل حياتي ,, 

 ..البرامج اللي راح احطها برتبها ترتيب عشوائي لان كلهم مهمين بالنسبه لي 

برنامج ماستغني عنه يومياً اقرى الاذكار فيه ,, هو برنامج مجاني ويشمل

الاذكار والادعيه اليوميه المهمه ,, والحلو اللي فيه ان الاذكار مقسمه بشكل

جذاب لتسهيل القراءه وسهولة التصفح فيه والصفحات مرقمه وتقدرون تطرشون

الدعاء مسج او بالايميل ولا بالواتس اب , وتقدرون تحسبون عدد المرات اللي ذكرتوا فيها الدعاء

Instagram 

 البرنامج غني عن التعريف , واشتهر بشكل مب طبيعي فالفتره الاخيره

اذكر اول مانزلته ماكان فيه الا كم وحده من ربعي وكان حلو نوعاً ما 

بس يوم هبوا الناس فيه صار احلى ,, البرنامج ماستغني عنه يومياً 

لازم اخذ لي صوره واحطها ,, 

my user name : reemaan

الاضافه فقط للبنات

Path

باث من البرامج الجديده اللي بدت تنتشر نفس الانستقرام

الحلو اللي فيه انه اقدر احط صور واسوي لهم ادت وفي نفس

اقدر احط فيدو بوست وبعد اقدر اتكلم واقول اللي يعجبني 

باختصار 3 برامج مدموجين مع بعض ( twitter + instagram + youtube ) 

وايد حلوو البرنامج واللي حبيته اكثر اني اقدر انزل فيديوز من تصويري

من البرامج اللي تولعت فيها قبل لكن الحين نادر احط بوست 

البرنامج هو يصلح للبنات اكثر حلوو وخفيف وكل واحد يكون له 

صفحه وبس تصورين الاشياء اللي شريتيها 

مثلا رحت السوق شريت قميص من دولتشي , اصوره واحط عليه تاق 

باسم الماركه و بالسعر ,, او شفتي شي عجبج بس محتاره فيه تصورينه 

وتحطينه وتشوفين اذا عجب الناس ولا لاء ..

البرنامج مجاني وفيه خاصية التصوير .. 

دليل قطر ,,

برنامج وايد مهم بالنسبه لي ,, انا من الناس الي كل يوم متصله على 180 

لاني ماحفظ ارقام المطاعم او الصالونات او الارقام المهمه ,, بس مع هالبرنامج

ارتحت وايد اي رقم ابيه ادش عليه وفي خاصية اتصال سريعه..

وايد عجيب البرنامج وفيه اغلب الارقام ,, بس عيبه الوحيد ان مافيه كل الارقام ساعات 

اضطر اتصل كيوتل .. بس وايد مفيد 

P Tracker 

FingerFace

كيووووت هالابلكيشن تصورون اصابعكم وتحطون عليه فيسات

وتقدرون تحطونها فالانستقرام من خلال هالبرنامج 

PicFrame

هالبرنامج وااايد عجيب ويستاهل كل دولار 

تقدرون تدمجون كذا صوره في صوره وحده بالستايل اللي يعجبكم

وبعد تقدرون من خلال هذا البرنامج تحطون الصور في الانستقرام 

AlCinema 

مالقيت صوره اصغر لووووول 

عجييب هالابلكيشن تقدرون تشوفون فيه اوقات الافلام والسينمات 

ويتحدث بصوره اسبوعيه 

انشالله تعجبكم البرامج ,,