بالتوفيق للرهيب وفالكم الكاس
Thursday, April 26, 2012
Wednesday, April 25, 2012
Home Decor : دبنهامز
مرحبا ،،
من فتره رحت الستي اتمشى وادش السينما وكنا حاجزين عرض الساعه ١١ وكان باقي عالفلم ساعه قلت حق ريلي ابي اروح دبنهامز اشوف المفارش
عاد انا استانس على شي اسمه مفارش و ديكوريشن وعندي حب حق التصميم الداخلي وهي هوايه لا اكثر
عاد شفت هالكولكشن الملون العجيييب يصلح حق بنووته عمرها ١٨
حبيت العلب هذي فيها شموع مع ان ريحتهم عاديه كلش لكن شكلهم حلوو ان ينحطون في حمام للضيوف او اي مكان تحبون
حبيت العلب هذي فيها شموع مع ان ريحتهم عاديه كلش لكن شكلهم حلوو ان ينحطون في حمام للضيوف او اي مكان تحبون
حبيـــت كل شهي في هالسكشن المخدات , الفريمز , علاقة السلاسل وايد حلو
الديتيلز اللي فيها على شكل غصن وفيه عصفور
والاكواب الملونه حلوه
وحبيــت الشمعدان اللي جنه قفص عصفوور وايد حلووو
ودي ارجع أأثث غرفتي مره ثانيه
fashionista يصلح حق وحده
عاد انا من فتره شريت لي مفرش بنفس الالوان تقريباً
BHS من
انشالله يعجبكم
xo
مــعرض زبـــارا للعـــبايات ,,
زبـــارا للعــبايات
يتشرف بدعوتكم لحضور المعــرض الـثالـث
والــذي سيــقام في فـندق الــشــعــله ( قـاعـة مـدار - الــدور الثــانــي ) . غــداً تـاريخ 26 - 27 ابـريـل
الـخـمـيـس : من الساعه 12 حتى 9 مساءً
E v e n t , , مــعــرض البَـطــولَــه
مـسـاء الـخـيـر ,,
من فتره ماحطيت بوست جديد , واليوم وصلني برودكاست عن معرض
{ يسرنا دعوتكم لـ معرض البَطولَه }
من كم يوم kawkawi حطت بوست عنه
بس ماقريته عدل احسب البطوله مب البَطوله
لووول ف مانتبهت له عدل
اليوم اول يوم حق المعرض شكلي بروح لان حدي متملله اليوم
وانشالله بوافيكم بالصور
..
Sunday, April 22, 2012
Wednesday, April 18, 2012
Jewelry Closet
مــســاء الــخـــيــر ,,
من فتره كانت رفيجتي تبي تسوي لها مشروع وقالت لي شوفيلي فكره حلوه
عاد انا من فتره شفت وحده فاليوتيوب حاطه فيديو عن ترتيب اكسسواراتها
والكبت اللي حطته واايد عجبني وحاطه تحت الفيديو لنك الموقع اللي طلبت منه الكبت
هذا الفيديو
عاد انا من زمان ابي اطلبه , وهي يوم قالت لي ابي اسوي مشروع قلت لها الفكره
ان شرايج تجيبينه وتبيعينه وبما انه شي جديد مب متوفر عندنا الكل بيشتريه منج,
هي مسكينه حبت الفكره وسوت موضوع في منتدى نسائي وسوت لها بلوق
لكن للأسف محد شجعها وكنسلت السالفه ..
عاد انا قلت ليش ما اطلب لي واحد واستانس فيه واحط فيه اكسسواراتي
ومجوهراتي , لان اغراضي الصراحه عفييسه كله فالتجوري , والتجوري مايكفي حق كل الاغراض
فـ قمت وطلبت لي واحد من هالموقع
تقريباً كلفني مع الشحن 700 ريال
طلبته عن طريق ارامكس وخذوا علي وزن 800 ريال
هذا شكله الخارجي طبعاً منظره
عشان تحافظون على اغراضكم والماساتكم فيه مفتاح ويجي معاه مفتاح سبير
هذا شكله وهو مترووس
طبعاً يوم رتبت اكسسواراتي حسيتهم شوي
والالماسات الكبيره طبعاً فالتجوري وساعاتي الغاليه في علبهم
هني حطيت الساعات اللي البسها يومياً
يكفي حق شغابات شكثر
الخواتم بعد في وايد اماكن فاضيه
السلاسل في هالجهه انترس المكان وفي مكان ثاني في الجهه الثانيه
طبعاً من فتره مب بعيده دخلت المنتدى اشوف شالجديد الا انصدمت ان في وحده تبيعه
خذت الفكره من رفيجتي ولا بعد تقول الاصل عندنا والتقليد عند الباقي
هههههههه
Sugar Taste
,, مــرحــبــا
هالبلووق توني مكتشفته اليوم , صاحبته قطريه وتسوي كيكات تجنن والكب كيك فضييع
بدون ما اذوق شغلها بصرااحه مبين عليه رووعه , وشغل متعووب عليه الصراحه ,,
الواحد يفتخر لما يشوف بنات بلاده عندهم هالمواهب , ومايحتاج نروح الغريب
انا بصراحه كان ودي اطلب منها كب كيك اجرب شغلها بس للأسف هي حالياً
في اجازه
اتمنى لها التوفييق وانشالله نسمع خبر افتتاح اول محل كب كيك لها انشالله
Hello kitty & candies
Smurfs village Cake
Coffee Mug Cake
Subscribe to:
Posts (Atom)